Шаҳрдори Лондон дар остонаи сафари Доналд Трамп ба Британия гуфт, ки Президенти Амрико оташи сиёсатҳои тафриқангезро дар саросари ҷаҳон боз ҳам шиддат бахшидааст.

Шаҳрдори Лондон Содиқхон гуфт: “Трамп оташи сиёсатҳои тафриқаангезро дар тамоми ҷаҳон аланга медиҳад”.

Бар асоси иттилоъ, Доналд Трамп ба шаҳри Лондон сафар кард. Ин сафари дуюмини расмии ӯ баъд аз интихоб шудан ба мақоми президентӣ аст.

Дар ҳамин ҳол, гурӯҳҳои мухолифи сиёсатҳои Доналд Трамп дар остонаи вуруди ӯ ба Британия бо доир намудани ҷамъомад дар назди қасри шоҳии Виндзор, ки қарор аст Трамп шом дар он ҷо иқомат кунад, ҷамъомади эътирозӣ созмон доданд.

Полиси Лондан гуфт, ки рӯзи чоршанбе 50 гурӯҳи эътирозгар қарор аст дар маркази Лондон бар зидди сиёсатҳои Трамп ҷамъомад доир кунанд.

Ҳамзамон, шуморе аз донишҷӯён ва хонандагон низ ваъда додаанд, ки ба нишони эътироз ба сафари Доналд Трамп дарсҳоро тарк хоҳанд кард.

Dialog.tj