Бинобар иттилои Раёсати Вазорати корҳои дохилӣ дар шаҳри Душанбе, Давлатова Фирӯзамоҳ, фаъоли шабакаҳои иҷтимоӣ барои дар пахши мустақими шабакаҳои иҷтимоӣ бо алфози қабеҳ муошират кардан дастгир гардида, 12 шабонарӯз ҳасб шудааст.

“Гарчанде қаблан нисбати Давлатова Фирӯзамоҳ, сокини 41-солаи ш.Душанбе, барои бадгуфторӣ дар шабакаҳои иҷтимоӣ чандин маротиба чораҳои қонунӣ андешида шуда бошад ҳам, вале мушоҳидаҳо нишон медиҳанд ӯ ислоҳшуданӣ нест”, - омадааст дар хабарнома.

Манбаъ меафзояд, ки пас аз корҳои фаҳмондадиҳӣ низ Давлатова Фирӯзамоҳ кирдори номатлуби худро идома дода, пайваста зимни пахши мустақим дар шабакаҳои иҷтимоӣ бо алфози қабеҳ муошират намуда, вокунишҳои зиёди шаҳрвандонро ба миён овардааст.

Ин навбат ҳам Бо қарори Суд нисбати ба Давлатова Фирӯзамоҳ ҷазо дар намуди ҳабси маъмурӣ ба муҳлати 12 шабонарӯз таъин гардидааст. 

Dialog.tj