“Дар шаш моҳи аввали соли 2025 60 ҳолати ҳодисаҳои нохуш дар сатҳи кишвар ба қайд гирифта шудааст. Аз ин шумора 34 нафар ҷароҳати ҷисмонӣ бардошта, 26 нафар фавтидаанд, ки ин шумора ба ҳамин давраи соли гузашта афзоиш ёфтааст” - гуфт Маҳмадзода Сафаралӣ, сардори Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар нишасти хабарии Вазорати меҳнат, муҳоҷират ва шуғли аҳолии ҶТ.

Ӯ илова кард, ки ҳодисаҳои нохуш ҳангоми корҳои истеҳсолӣ дар вилояти Хатлон 8 ҳолат, аз ин 5 нафар ҷароҳат 3 нафар фавт, дар вилояти Суғд 18 ҳолат, аз ин 12 нафар ҷароҳат 6 нафар фавт, дар шаҳри Душанбе 15 ҳолат, 9 нафар ҷароҳат 6 нафар фавт, дар Вилояти Мухтори Куҳистони Бадахшон 4 ҳолат, як нафар ҷароҳат 3 нафар фавт ва дар шаҳри Ваҳдат 10 ҳолат, 5 нафар ҷароҳат ва 5 нафар фавт ба қайд гирифта шудааст.

“Ҷиҳати пешгирии ҳодисаҳои нохуши истеҳсолӣ дар ҷумҳурӣ ҳамеша дар доираи ваколатҳои муқаррарнамудаи қонунгузорӣ корҳои фаҳмондадиҳӣ анҷом дода мешаванд ва ҳамзамон дар доираи талаботи моддаи 349-и Кодекси меҳнат дар бораи Баҳисобгирӣ ва санҷишӣ ҳодисаҳои нохуш дар истеҳсолот корҳои фаҳмондадиҳӣ гузаронида мешавад” - гуфт Маҳмадзода Сафаралӣ, сардори Хадамоти назорати давлатӣ дар соҳаи меҳнат, муҳоҷират ва шуғли аҳолӣ.

Тибқи оморӣ расмии Вазорати меҳнат, муҳоҷират ва шуғли аҳолии ҶТ дар шаш моҳи аввали соли 2025 36 294 нафар шаҳрвандон барои касбомӯзӣ ҷалб карда шуданд.

Dialog.tj