Раёсати Вазорати корҳои дохилӣ дар вилояти Хатлон аз боздошти марде хабар дод, ки нисбат ба духтарандараш бадрафторӣ кардааст.

Ба навиштаи манбаъ, дар шабакаҳои иҷтимоӣ наворе паҳн гардид, ки дар он ноболиғдухтаре аз бадрафторӣ ва кирдорҳои зиддиҳуқуқии падарандараш шикоят мекунад. Дар натиҷаи таҳқиқи навор муайян карда шуд, ки ноболиғи дар навор инъикосгардида хонандаи синфи 5-и яке аз мактабҳои таҳсилоти миёнаи умумии ноҳияи Мир Саид Алии Ҳамадонӣ буда, аз хушунати хонаводагӣ ранҷ мекашад.

Ҳамчун гумонбар шаҳрванд Ғайратов Сангалӣ Исматуллоевич соли таваллудаш 11.05.1998 зода ва истиқоматкунандаи ноҳияи М.С.А.Ҳамадонӣ, ҷамоати Даштигуло, деҳаи Файзобод дастгир гардидааст.

Дар натиҷаи санҷиш муайян шудааст, ки дар хонаи дастгиршуда ва модари ноболиғи азиятдида фазои носолими хонаводагӣ, номуросоӣ, хушунату бадрафторӣ дар муносибатҳои оиладорӣ ҳукмрон будааст.

Вобаста ба ҳолати мазкур нисбат ба дастгиршуда тибқи талаботи моддаи 460 Кодекси ҳуқуқвайронкуниии маъмурии Ҷумҳурии Тоҷикистон протоколҳои маъмурӣ тартиб дода шуда, бо қарори Суд нисбаташ ҷазо дар намуди ҳабси маъмурӣ ба муҳлати 15-шабонарӯз татбиқ карда шуд.

Dialog.tj