Раёсати Вазорати корҳои дохилӣ дар шаҳри Душанбе шуруъ аз 1-уми сентябр бо мақсади бартараф намудани таваққуфҳои нодуруст, тамбашави воситаҳои нақлиёт ва дигар қоидавайронкуниҳо амалиёти шартии "Истгоҳ"-ро роҳандозӣ мекунад.

Дар ин росто, Раёсати ВКД дар шаҳри Душанбе ба иттилои шаҳрвандон мерасонад, ки назорат барои таваққуфи нодуруст дар маконҳои манъшуда, бахусус дар хатти дуюми ҳаракати роҳ (ба истиснои нақлиёти «Ёрии таъҷилӣ» ва «Хадамоти оташнишонӣ»), шадидан пурзӯр карда мешавад.

Манбаъ меафзояд, ки дар ҳолати риоя накардани қоидаҳои истгоҳ, ронандаи воситаи нақлиёт мутобиқи моддаи 324-и КҲМ Ҷумҳурии Тоҷикистон ба ҷавобгарии маъмурӣ ҷалб гардида, воситаи нақлиёт фавран ба ҷаримагоҳи муваққатӣ барои муҳлати тӯлонӣ равона карда мешавад.

Ҳамчунин, аз ронандагон хоҳиш карда мешавад, ки қоидаҳои ҳаракат дар роҳро қатъиян риоя намоянд.

Dialog.tj