Консерти сарояндаи амрикоӣ Ҷеннифер Лопес дар шаҳри Тошканд зиёде аз 42, 5 миллиард сӯм (тақрибан 3,3 миллион доллар) ба буҷети пойтахти Ӯзбекистон суд ворид кардааст.

Фонди рушди фарҳанг ва санъати Ӯзбекистон мегӯяд, ки консерти Ҷеннифер Лопес рӯзи 7-уми август дар варзишгоҳи “Миллӣ” (Бунёдкор) дар сатҳи баланд баргузор гашт.

Бино ба иттилои ташкилкунандагон дар консерт 31 144 нафар, аз ҷумла мухлисон ва хизматрасониҳои консерт ҳузур доштанд. 25 ҳазор билет фурӯхта шуд ва 67% -и билетҳоро шаҳрвандони хориҷӣ харидаанд.  Ба Ӯзбекистон барои тамошои ин барнома 15 330 сайёҳи хориҷӣ омад, ки аз онҳо 8 945 нафар аз Русия, 2495 нафар аз Қазоқистон ва ҳамчунин, меҳмонон аз ИМА ва кишварҳои дигари аврупоӣ буданд.

Тибқи иттилои мақомот барои баргузор кардани консерт маблағ аз буҷети давлатӣ ҷудо нашудааст. Дар даври аввали чорабинӣ сатҳи афзоиши муштариёни пойтахт 25,7% бештар аз ҳамин даври соли гузашта буд.

Гурӯҳи консертии Лопес беш аз 90 нафарро дар бар мегирифт. Дар ташкил ва гузаронидани намоиш 115 нафар ширкат намуданд ва 18 фудкорт ва нуқтаҳои савдо фаъол буданд.

Қаблан, гузориш шуда буд, ки Ҷеннифер Лопес дар Алмаато мухлисони беш аз 30 кишварро ҷамъ оварда буд.

Dialog.tj