Дар варзишгоҳи марказии шаҳри Турсунзода ("ТАЛКО-Арена") бошгоҳҳои “Регар-ТадАЗ”-и Тоҷикистон ва “Аҳал”-и Туркманистон бо ҳам рақобат карданд, ки бозӣ бо ҳисоби 1:2 ба фоидаи дастаи “Аҳал” ба охир расид.

Бозии мазкур барои ҳарду даста муҳим буд, зеро маҳз ғолиб ба Лигаи қаҳрамонҳои Осиё-2 роҳхат гирифт ва мағлуб аз ин имкон маҳрум гардид.

Аз сабабе, ки “Регар-ТадАЗ” дар майдони худ бозӣ мекард, аксарият ба боваре буданд, ки ғолиб ва соҳиби роҳхат ба Лигаи қаҳрамонҳои Осиё-2 маҳз бошгоҳи тоҷикӣ мешавад, вале ин тавр нашуд.

Дастаи “Аҳал” баъди пирӯзӣ муқобили “Регар-ТадАЗ” ба марҳилаи гурӯҳии Лигаи дуюми қаҳрамонҳои Осиё роҳ ёфт.

Тоҷикистонро дар Лигаи қаҳрамонҳои Осиё-2 имсол танҳо “Истиқлол”-и Душанбе намояндагӣ хоҳад кард. Бошгоҳи “Регар-ТадАЗ”-и Турсунзода бошад, дар Лигаи даъватии Конфедератсияи футболи Осиё бозӣ мекунад.

Dialog.tj