Аз 7-ум то 9-уми август кормандони Агентии амнияти химиявӣ, биологӣ, радиатсионӣ ва ядроии Академияи милии илмҳои Тоҷикистон ба дараи Уреҷи кӯҳҳои Фони шаҳри Панҷакент сафар намуда, вазъияти радиатсионии ин минтақаро таҳлил кардаанд.

Тибқи иттилои манбаъ, мутахахассисони ин ниҳод ҳолати радиатсионӣ ва вазъи пойгоҳҳои кӯҳнавардӣ ва сайёҳӣ, аз ҷумла “Артуч”, “Кӯли Чуқурак”, “Кӯли Калон” ва ёдгориҳои таърихии “Мақбараи Абуабдуллоҳ Рӯдакӣ” –ро бо истифода аз таҷҳизоти замонавӣ санҷидаанд. Аз минтақаҳои мазкур намунаҳои обу хок гирифта шудаанд, то мавҷудияти радионуклидҳо муайян карда шавад.

Иттилои бадастомада дар озмоишгоҳи нави харитасозии радиатсионӣ коркард шуда, харитаҳои дақиқи радиатсионии минтақа таҳия шудаанд. Агентӣ нақша дорад, мониторинги радиатсионӣ дар дигар минтақаҳои Ҷумҳурии Тоҷикистонро низ анҷом дода шавад.

Dialog.tj