Ярмаркаи тирамоҳии ҳунарҳои мардумӣ бо ширкати устодони санъати мардумӣ аз Тоҷикистон ва Ӯзбекистон дар рӯзҳои 6-7-уми сентябр дар шаҳри Душанбе доир мегардад. Чорабинӣ дар ҳудуди меҳмонхонаи “Румӣ” аз соати 10:00 то 18:00 баргузор мешавад. Бино ба иттилоъи ташкилкунандагон ворид шудан ба меҳмонхона ройгон мебошад.

Дар якрмарка меҳмонон метавонанд навъҳои мухталифи маҳсулоти дастиро тамошо ва харид кунанд, аз ҷумла ашёҳои сафолӣ, ҳунарҳои чӯббурӣ, матоъҳои миллӣ, маҳсулоти бофандагӣ, гулдӯзии анъанавӣ ва дигар молҳо.

Ба гуфтаи ташкилкунандагон мақсади ин ярмарка ҳимоят ва рушди суннатҳои ҳунармандии минтақа, ҳамчунин, густариши робитаҳои фарҳангӣ ва тиҷоратӣ миёни устодони ду кишвар мебошад.

Дар давоми ду рӯз барои меҳмонон ҳамчунин, намоиши корҳо, мастер-классҳо ва озмоиши таомҳои миллии гуногун омода карда мешавад.

Dialog.tj