Консерти бошукӯҳи Ҷоннифер Лопес, хонандаи машҳури попи амрикоӣ бори нахустин дар таърихи Ӯзбекистон дар шаҳри Тошканд баргузор гашт, ки дар он мухлисон аз кишварҳои Осиёи Миёна, минтақа ва ҷаҳон ширкат доштанд.

Ин консерт бо унвони “Тамоми шаб бедор” дар варзишгоҳи бузурги “Бунёдкор” доир шуд ва ба истиқболи гарми мухлисони дохилӣ ва хориҷӣ рӯ ба рӯ гардид. Ҷоннифер Лопес дар ин шаб маҷмуае аз сурудҳои машҳури худ, аз ҷумла “Дар саҳна”, “Ҷенни аз маҳалла” ва “Ман модари ту нестам” –ро иҷро кард.

Ин консерт бо дастгирии “Бунёди рушди фарҳанг ва ҳунари Ӯзбекистон” доир шуд. Доир шудани чунин консерт дар сатҳи баланди фарҳангӣ қадами устувор дар роҳи муаррифии Ӯзбекистон дар минтақаву ҷаҳон аст.

Дар фарҷоми барнома Ҷоннифер Лопес туҳфаи анъанавӣ гирифт, ки сурати ӯ дар он нақш баста буд. Ҷоннифер Лопес бо нашри видео аз лаҳзаи гирифтани ин туҳфа ва аз зебоиву нафости он изҳори тааҷҷуб кард.

Dialog.tj