Чарлз Оливейра, варзишгаре, ки номаш дар рӯйхати беҳтарин рамзкорони вазни сабуки UFC дар ҷойи чорум аст, ногаҳонӣ ва хеле зуд барои муҳориба гузаронидан бо Рафаел Физиев, размкоре, ки дар мавқеи 10-ум ҷой гирифтааст, розӣ шуд.

Эълони расмии муҳорибаи Чарлз Оливейра ва Рафаел Физиев дар сомонаи расмии ташкилоти UFC нашр шуд. Он 12-уми октябр дар Бразилия доир мегардад.

Аз нашри ин хабар аксари коршиносон ва ҳаводорони муҳорибаҳои омехта ҳайрон шуданд, зеро Чарлз Оливейра метавонист бо размкоре муҳорибаи навбатиашро барпо кунад, ки дар рӯйхати беҳтаринҳо мавқеи баландтар дорад.

Инчунин, бархеҳо мегӯянд, ки Чарлз Оливейра бояд каме истироҳат мекард ва охири соли ҷорӣ ё аввали соли 2026 ба майдон мебаромад, зеро ӯ 29-уми июн, бештар аз як моҳ пеш дар муҳорибааш зиддӣ Илия Топурия барои камарбанди чемпионӣ ба накаути вазнин рафта буд ва на бояд чунин зуд баргардад.

Чарлз Оливейра вокунишҳои гуногунро дида, дар шабакаҳои иҷтимоияш чунин посух дод: “Ман худам аз UFC талаб кардам, ки бароям дар мусобиқае, ки дар ватанам Бразилия доир мегардад, муҳориба таъин кунанд ва барои ин аз роҳбарияти ташкилот миннатдорам. Ман бояд бармегаштам ва ин корро хеле зуд кардан мехоҳам”.

Dialog.tj