Ҳаҷми содироти маҳсулоти Тоҷикистон дар нимсолаи аввали соли 2025 беш аз 996 миллион доллари амрикоиро ташкил дод, ки ин нисбат ба ҳамин давраи соли 2024 5,3 фоиз камтар мебошад. Дар ин бора Хуршед Каримзода, раиси Хадамоти гумруки ҷумҳурӣ рӯзи 7-уми август дар нишасти матбуотӣ иттилоъ дод.

“Ба ҳисоби асъор коҳиш 53 миллион долларро ташкил дод. Ҳамзамон, ҳаҷми воридот 9,4% афзоиш ёфта, ба беш аз 3,8 миллиард доллар расид, яъне 943 миллион доллар бештар нисбат ба ҳамин давраи соли гузашта” – зикр кард ӯ.

Хуршед Каримзода қайд кард, ки дар сохтори савдои хориҷӣ 89,1% воридот ва 19,9% содирот рост меояд. Маводи асосии содиротии Тоҷикистон инҳоянд:

Сурма - 30, 4 % аз ҳаҷми умумии содирот;

Консентратҳо — 12,8%;

Нахи пахта — 5,8%;

Энергияи барқ — 4,5%;

Мева ва сабзавот — 3,4%;

Афзоиши ҳаҷми содирот ба Нидерландия, Ӯзбекистон, Чин, Туркия, Белгия, Покистон ва Қирғизистон ба қайд гирифта шудааст. Коҳиши содирот ба Русия, Қазоқистон, Афғонистон ва Эрон мушоҳида шудааст. Хуршед Каримзода таъкид намуд, ки ҳукумати кишвар барои оптимизатсия намудани тавозуни савдои хориҷӣ, рушди географияи содирот ва афзоиши ҳиссаи маҳсулот бо арзиши иловашудаи баланд тадбирҳо меандешад.

Dialog.tj