"Воридоти мол дар шаш моҳи аввали соли 2025 3775,8 миллион долларро ташкил дода, ин шумора ба ҳамин давраи соли гузашта 359,4 миллион доллар зиёд гардидааст."

Завқӣ Завқизода, вазири рушди иқтисод ва савдо дар ин бора рӯзи 6-уми августи соли 2025 дар нишасти матбуотии ниҳодаш иттилоъ дод.

Ӯ ҳамчунин, қайд кард, ки дар сохтори воридот ҳиссаи маҳсулоти озуқаворӣ барои истеъмол 8,3
% ва барои коркард 9,7 %, воситаҳои нақлиёти заминӣ 13 %, маҳсулоти нафтӣ 11,7 %, таҷҳизоти технологӣ 7,9 %, металлҳои сиёҳ 7 фисад, таҷҳизоти электрикӣ 6.3 фисад, чӯбу тахта ва маҳсулот аз он 4,3 фисад, гази моеъ 3,2, маҳсулоти полимерӣ 3,1, маҳсулоти кимиёвии ғайриорганикӣ ва маҳсулот аз металлҳои сиёҳ 2,2 %, гилхок 1,5,нуриҳои минералӣ 0,8 %, гази табиӣ 0,4 % ва ғайраҳо ташкил медиҳанд.

Тибқи иттилои вазир нишондиҳандаи содирот беназардошти металлҳои қиматбаҳо ба 953,1 миллион доллар баробар гардида, нисбат ба ҳамин давраи соли гузашта 255, 2 миллион доллар зиёд шудааст.

Dialog.tj