Дар пайи ҷанги даҳшатбор ва сиёсати гурусна нигоҳ доштани мардум дар Ғазза фаъолон ва ҷомеаи шаҳрвандӣ дар саросари ҷаҳон дархост мекунанд, ки ҷанг қатъ ва расондани кумакҳои фаврии башардӯстона ба Ғазза ирсол шавад.

Ҳафтаи гузашта эътирозгарон дар назди консулгарии Амрико дар шаҳри Истанбул ҷамъ омада, бо алвонҷ додани парчамҳои Фаластин шиор сар зоданд ва блокадаи Ғаззаро, ки боиси гуруснагии оммавӣ шудааст, маҳкум намуданд. Паёми онҳо рӯшан буд: ҷомеаи ҷаҳонӣ бояд Исроилро барои ҷиноятҳои давомдораш масъул донад.

Дар Сиднейи Австралия даҳҳо ҳазор нафар сарфи назар аз боду борон дар “Роҳпаймоии башардӯстона” дар назди пули машҳури ин кишвар ҷамъ омаданд. Эътирозгарон бо дегу зарфҳо, ки рамзи гуруснагии иҷборӣ дар Ғазза буд, барои оташбас ва расонидани кумакҳои бидуни маҳдудият даъват намуданд. Полис шумори ширкаткунандагонро тақрибан 90, 000 нафар ҳисоб кард, ин дар ҳоле ки ташкилкунандагон мегӯянд, ин рақам то ба 300, 000 нафар расидааст.

Сенатор Саут Уэлс Меҳрин Форуқӣ дар суханронӣ хостори “сахттарин таҳримҳо бар зидди Исроил” шуд ва куштори фаластиниёнро ҷинояте номид, ки набояд бе ҷазо монад. Нависанда Атони Ловенштайн, ки саноати аслиҳаи Исроилро фош кардааст, ҳукумати Австралияро барои ҳамдастӣ тавассути таъмини ҳавопаймоҳои ҷангӣ, ки дар бомбаборони Ғазза истифода мешаванд, танқид намуд.

Буҳрони башардӯстона дар Ғазза ба сатҳи фоҷеабор расидааст. Аз октябри соли 2023, беш аз 180 нафар, аксаран кӯдакон, аз гуруснагӣ бар асари муҳосираи Исроил ҷон бохтаанд. Неруҳои Исроил тақрибан 900 нафарро дар наздикии марказҳои кумакрасонии бунёди башардӯстонаи Ғазза, ки аз сӯи Амрико ва Исроил ҳимоят мешавад, куштаанд. “Human Rights Watch” ин марказҳоро “доми марг” номидааст.

Трагедия он аст, ки садҳо нафари дигар дар вақти талош барои дастрасӣ ба корвонҳои ғизои Созмони Милали Муттаҳид ҷон бохтаанд. Дар маҷмуъ, ҷанги Исрои дар Ғазза ҷони беш аз 60, 800 фаластиниро гирифт ва гузоришҳои созмонҳои ҳуқуқи башари Исроил иттиҳоми наслкуширо, ки дар Суди Гаага таҳқиқ мешавад, тасдиқ мекунанд.

Эътирозҳои ҷаҳонӣ нишонаи он аст, ки мубориза барои ҳуқуқ ва озодии фаластиниён хомӯш нахоҳад шуд. Ин мубориза то расидан ба сулҳу адолат идома хоҳад ёфт.

Dialog.tj