Полумарафони байналмилалии кӯҳии “Ҳафт кӯл” рӯзҳои 2-3-уми август дар шаҳри Панҷакенти Тоҷикистон бо ширкати варзишгарони 10 кишвари ҷаҳон доир гардид. Дар ин бора Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар додааст.

Давҳо дар масофаҳои 3, 10 ва 21 километр, тақрибан 200 нафар ширкаткунандагонро, ки ба трейлраннинг – давидан дар минтақаҳои табии кӯҳистонӣ - шавқманд буданд, гирди ҳам овард. Ҳадафи аслии ин чорабинӣ таблиғи тарзи ҳаёти солим, рушди туризми экологӣ ва варзишӣ, ҳамчунин, табодули таҷриба миёни варзишгарони кишварҳои мухталиф арзёбӣ мешавад.

Ташкилкунандагони полумарафон Кумитаи ҳифзи муҳити зисти Тоҷикистон ва мақомоти маҳаллии шаҳри Панҷекент гуфта мешавад.

Dialog.tj