Вазорати рушди иқтисод ва савдои Ҷумҳурии Тоҷикистон мегӯяд, ки дар як муддати кӯтоҳ дар Тоҷикистон 82 лоиҳаи сармоягузорӣ  бо маблағи 4,3 миллиард доллар амалӣ карда мешавад.

Тибқи иттилоъ, аз 1-уми апрели соли 2025 дар кишвар 82 лоиҳаи сармоягузорӣ дар ҳоли амалӣ шудан аст, ки ҳаҷми умумии он 45,3 миллиард сомонӣ ё 4, 5 миллиард долларро ташкил медиҳад.

“Аз 82 лоиҳа 55-тоаш грант, 5-то қарз ва 22-то сармоягузории муштарак мебошад. Мо кӯшиш мекунем таваҷҷуҳро ба он самтҳое равон кунем, ки ҳар як сомонӣ ё доллар ба иқтисодиёт хизмат кунад, новобаста аз он ки роҳ бошад, энергетика, мактаб ё соҳаи тиб” – зикр шудааст дар изҳороти Вазорат.

Ин лоиҳаҳо дар соҳаҳои энергетика, нақлиёт, тандурустӣ, маориф, саноат ва кишоварзӣ амалӣ карда мешавад.

Dialog.tj