Вазири корҳои хориҷии Ҷумҳурии Исломии Эрон Сайид Аббос Ироқчӣ гуфт, “журналистон ривоятгари он чизе ҳастанд, ки дар майдон рух медиҳад ва ҳама медонанд, ки ин рӯзҳо ҷанги ривоятҳо шояд аз воқеӣ сахттар ва муҳимтар бошад”.

Сайид Аббос Ироқчӣ ба муносибати гиромидошти рӯзи хабарнигорон гуфт, ки Рӯзи хабарнигор ба ёди шаҳид Сормӣ номгузорӣ шавад, зеро шаҳид Сормӣ дар канори дипломатҳо ба шаҳодат расид. Ӯ гуфт, майдон, дипломатия ва расонаҳо дар канори якдигар қарор доранд.

Вазири корҳои хориҷии Эрон афзуд, хабарнигорӣ кори бисёр сахт аст ва хабарнигор ривоятгари он чизе мебошад, ки дар майдон рӯй медиҳад: “Ривоятҳо ҳоло муҳиманд ва муҳим он аст, ки чӣ ҷанги ривоятҳоро бурдааст. Ин рисолатест, ки хабарнигор ба уҳда дорад. Он касе ривояти худро ғолиб мекунад, ки ривояти аввалро пешниҳод карда бошад. Мо ба аҳамияти кори хабарнигор эътироф мекунем”.

Ӯ гуфт, рӯзе ки “Садо ва симо” бомбаборон шуд, фикр мекард, ки садои Эрон қатъ мешавад, “вале баръакс шуд”. Аббос Ироқчӣ гуфт: “Ҷамъе аз дипломатҳои мо ва хабарнигорони Ирна бо ҳам ба шаҳодат расиданд. Он нуктае, ки ман борҳо гуфтам, ки майдон, дипломатия ва расонаҳо дар канори ҳам мебошанд, нуқтаи атфи ҳодисаҳои Мазори Шариф аст, ки дипломатҳо ва хабарнигорон дар канори ҳам дар майдон ҳузур доштанд ва шаҳид шуданд, вале хабарнигорон аз мо зирактар буданд ва рӯзи 8-уми августро ба номи хабарнигор гирифтанд ва рӯзи дипломатия ақиб монд. Ҳоло бояд рӯзи дигареро барои рӯзи дипломатия пайдо кунем, албатта фарқ намекунад, хабарнигорон ривоятгари он чизанд, ки дар майдон рӯй медиҳад ва ҳама медонанд, ки ин рӯзҳо ҷанги ривоятҳо шояд аз ҷанги воқеӣ сахттар ва муҳимтар бошад”.

Дар идомаи суханронӣ Аббос Ироқчӣ аз хонаводаи шаҳид Нимо Раҷабпур, аз шаҳидони ҳамлаи режими саҳюнистӣ ба бинои шишагини Садо ва симо тақдир кард.

Dialog.tj