Имрӯз, 4-уми август Раҷабалӣ Раҳмоналӣ, раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон зимни нишасти хабар дод, ки дар шаш моҳи соли ҷорӣ дар кишвар 222 ҳодиса ва ҳолати фавқулодаи табиӣ ба қайд гирифта шудааст.

Манбаъ афзуд, ки дар давраи ҳисоботӣ 78 ҳодисаи селфароӣ, 18 боришоти борон, 51 ҳодисаи тармафароӣ, 6 ҳолати баландшавии сатҳи об, 21 ҳодисаи сангрезӣ, 19 заминларза, 6 ҳолат фаромадани ярч, 17 ҳолати вазиши шамоли сахт, 4 ҳолати раъду барқ, 1 ҳодисаи боришоти барфи зиёд ва 1 ҳодисаи хунукии сахт ба амал омадааст.

Дар нишасти хабарӣ иттилоъ дода шуд, ки зарфи нимсол зарари ҳолатҳои фавқулода дар Ҷумҳурии Тоҷикистон 19 млн 655 ҳазору 300 сомониро ташкид додааст.

Ҳамчунин, гуфта шуд, ки дар ин давра дар пайи ҳодисаҳо 676 хона истиқоматӣ пурра ва ё қисман хароб гардида, 161 бинои ёрирасон, 12 мактаб, 21,6 километр роҳ ва дигар иншооти хароб гардидааст.

Ҳамзамон, дар давраи ҳисоботӣ дар кишвар бар асари ҳодисаҳои фавқулодаи табиӣ шаш нафар ба ҳалокат расиданд, ки гуфта мешавад се нафар бар асари тарма, ду нафар бар асари зарбаи барқ ва як нафар бар асари заминларза ҷон бохтанд.

Dialog.tj