Як шаҳрванди 24-солаи Ҷумҳурии Исломии Покистон бо номи Гилл Довуд аз ҷониби кормандони Раёсати корҳои дохилии шаҳри Душанбе бо иттиҳоми даст доштан дар як қатор ҳолатҳои қаллобӣ боздошт гардид.

Шаҳрванди 24-солаи Ҷумҳурии Исломии Покистон бо номи Гилл Довуд аз ҷониби полиси шаҳри Душанбе бо гумони даст доштан ба як қатор ҳолатҳои қаллобӣ боздошт гардид. Дар ин бора маркази матбуоти Раёсати корҳои дохилии шаҳри Душанбе хабар додааст.

Тибқи иттилои мақомот Гилл Довуд бо пешниҳоди бардурӯғ ба шаҳрвандони Душанбе муроҷиат карда, ваъда дод, ки дар муҳлати кӯтоҳ раводид ба кишварҳои аврупоиро таъмин хоҳад кард. Ба ҳамин васила ӯ маблағҳои бузургро аз шаҳрвандон бо баҳонаи анҷоми кор гирифтааст.

“Пас аз гирифтани пулҳо ӯ уҳдадориҳояшро иҷро накарда, маблағҳоро барои манфиатҳои шахсиаш истифода кардааст”- зикр шудааст дар иттилоияи полиси Душанбе.

Дар айни замон нисбат ба гумонбаршуда парвандаи ҷиноӣ оғоз шуда, тафтишоти пешакӣ ҷараён дорад. Мақомоти милитсияи шаҳри Душанбе аз шаҳрвандон хостааст, ки агар аз амалҳои ин шахс зарар дида бошанд, муроҷиат намоянд.

Dialog.tj