Президенти Иёлоти Муттаҳидаи Амрико Доналд Трамп ба Русия муҳлати 10 рӯза таъйин кард, то ба ҷанги дарозмуддат дар Украина хотима диҳад. Ӯ ҳушдор дод, ки дар сурати иҷро нашудани талабот таҳримҳои нав ва боҷи гумрукии шадид ба зидди Русия ва кишварҳои ҳамкори он, аз ҷумла Чину Ҳинд ҷорӣ хоҳад шуд.

Ба иттилои Рейтерз, ин изҳорот рӯзи сешанбе дар ҳошияи як нишасти матбуотӣ садо дод. Трамп гуфт, ки аз рафтори Президенти Русия Владимир Путин ноумед шудааст ва муҳлати пешини 50-рӯзаи хотима додан ба ҷангро ба 10 рӯз коҳиш дод. Ӯ гуфт: “Ҳич сабабе барои интизории бештар нест”.

Президенти Иёлоти Муттаҳидаи Амрико таъкид намуд, ки дар сурати беҷавоб мондани дархост боҷи гумрукии 100 фоиза ба кишварҳое, ки бо Русия муомила доранд, ҷорӣ хоҳад шуд. Ба гуфтаи коршиносони иқтисодӣ, чунин иқдом метавонад иқтисоди Русияро, ки ба содироти нафту газ такя дорад, зери фишори ҷиддӣ қарор диҳад.

Ин таҳдидҳо дар ҳоле садо медиҳанд, ки Русия ба воситаи “нафлугони соягӣ” барои давр задани таҳримҳо ва идомаи содироти сӯзишворӣ ҳанӯз ҳам солона беш аз 300 миллиард доллар даромад ба даст меорад. Сарчашмае, ки қисмати муҳимми харҷи ҷангро ташкил медиҳад.

Дар ҳамин ҳол Дмитрий Медведев, муовини Шӯрои амнияти русия ин муҳалтро “таҳдиди ҷанг” хонд ва онро рад кард. Президенти Украина аз мавқеи Доналд Трамп пуштибонӣ кард.

Dialog.tj