Фарҳод Раҳимӣ, раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон зимни нишасти матбуотӣ иттилоъ дод, ки муҳлати таҳсил дар коллеҷҳо барои толибилмони баъзе ихтисосҳо як сол кам мегардад.

Манбаъ афзуд, ки тибқи муқаррароти Қонуни Ҷумҳурии Тоҷикистон “Дар бораи таҳсилоти миёнаи касбӣ” қонуни нав муҳлати таҳсил барои шахсоне, ки таҳсилоти асосии синфи 9-ро доранд аз 4 сол ба 3 сол ва барои шахсоне, ки таҳсилоти миёнаи умумии синфи 11-ро доранд аз 3 сол ба 2 сол расонида мешавад.

Зикр гардид, ки дар соли таҳсили 2025-2026 муҳлати таҳсил дар муассисаҳои таълимии таҳсилоти миёнаи касбии равияҳои омӯзгорӣ, муҳандисӣ-омӯзгорӣ ва варзиш кам гардида, муҳлати таҳсил дар дигар равияҳо 4 сол (дар заминаи таҳсилоти умумии асосӣ) ва 3 сол (дар заминаи таҳсилоти миёнаи умумӣ) ба роҳ монда мешавад.

Иттилоъ дода шуд, ки ҳоло дар ҷумҳурӣ 86 муассисаи таҳсилоти миёнаи касбӣ (коллеҷҳо) амал фаъолият доранд, ки дар онҳо аз рӯйи 10 самт, аз ҷумла омӯзгорӣ, тиббӣ, фарҳанг, кишоварзӣ, иқтисодӣ, технологӣ, техникӣ ва ҳуқуқ кадр омода карда мешавад.

Dialog.tj