Ҳукумати Ӯзбекистон қадамҳои ҷиддиеро барои рушди ҳамкориҳо ба ширкати тавлидии нафти Озарбойҷон мегузорад. Вазири энергетикаи Ӯзбекистон Ҷӯрабек Мирзомаҳмудов гуфт, ки ду кишвар дар арафаи имзои Созишномаи тақсими истеҳсолот қарор доранд, ки ин пешрафти муҳимми стратегӣ дар ҳамкориҳои дуҷонибаи энергетикӣ ба шумор меравад.

Иқдоми мазкур дар пайи як ҷаласаи муҳимми стартегӣ таҳти раёсати Президенти Ӯзбекистон Шавкат Мирзиёев рӯи кор омад, ки дар он ҳолати феълии лоиҳаҳои муштараки нафт ва газ бо шарикони хориҷӣ мавриди таҳлил қарор гирифт.

Ҷӯрабек Мирзомаҳмудов гуфт, ки созишҳои ибтидоӣ барои доир кардани тадқиқоти геологии муштарак дар минтақаи Устюрти Ӯзбекистон ба даст омадаанд ва лоиҳаи ниҳоии СРА дар марҳилаи охирини таҳия қарор дорад.

Ба гуфтаи ӯ, интизор меравад созишнома то охири ҳафтаи ҷорӣ имзо шавад. Президенти Ӯзбекистон дастур дод, ки ниҳодҳои давлатӣ раванди татбиқи шарикиро суръат бахшида, харитаи роҳ ё нақшаи амалиётро то соли 2025 таҳия кунанд ва расмиётро камтар намоянд, то ҳамкориҳои байналмилалӣ дар бахши энергетика самараноктар ба роҳ монда шавад.

Баҳодур Сидиқов, директори кулли ширкати давлатии Ӯзбекнефтгаз қайд кард, ки лоиҳаи созишномаи СРА бо ширкати  SOCAR таҳия ва барои баррасии президент пешниҳод шудааст. Ӯ афзуд, ки ин созишнома як нуқтаи гардиши стратегӣ хоҳад буд ва дарҳои рушди назарраси соҳаи нафт ва гази Ӯзбекистонро хоҳад кушод.

Dialog.tj