Тавре ки Раёсати Кумитаи ҳолатҳои фавқулодда ва мудофиаи гражданӣ дар вилояти Хатлон хабар медиҳад, 19-уми июл, тахминан соати 18:20, шаҳрванд Абдурасулова Б. А., санаи таваллудаш 30.06.1997, сокини ҷамоати деҳоти С. Айнӣ, деҳаи Гулистони ноҳияи Хуросон, оиладор ва соҳиби 5 фарзанд, бо сабабҳои номаълум худро аз болои пули мошингузари ҳудуди ноҳияи Кушониён ба дарёи Вахш партофтааст.

Манбаъ меафзояд, ки наҷотдиҳандагони дастаи махсуси зудамали наҷоти раёсат дар ҷараёни корҳои наҷотдиҳӣ сокини ноҳияи Хуросонро тақрибан 500–600 метр поёнтар аз ҷои ҳодиса аз об наҷот дода, ба ӯ ёрии аввалини тиббӣ расониданд.

Гуфта мешавад, ки номбурда дар беморхонаи марказии ҷамоати шаҳраки Бохтариёни ноҳияи Кушониён бистарӣ шуда, айни ҳол вазъи саломатиаш хуб арзёбӣ мегардад.

Dialog.TJ