Ҳаводорону алоқамандони муҳорибаҳои омехта интизор буданд, ки Муҳаммад Наимов пас аз ғалабаи панҷумаш дар ташкилоти UFC ба рӯйхати топ-15 размкори вазни худ мебарояд, вале ин тавр нашуд.

Дирӯз, 15-уми июл ташкилоти UFC ба рӯйхати топ-15 дар вазнҳои гуногун тағйирот ворид кард. Бархеҳо аз ин рӯйхат берун шуданд, баъзеи дигар ворид гардиданд. Вале интизориҳои мухлисони размкори шинохтаи тоҷик Муҳаммад Наимов бенатиҷа монданд.

Муҳаммад Наимов бо шаш моҳорибаву 5 ғалаба дар UFC натавонист ба рӯйхати топ-15 барояд, вале дар вазни ӯ размкороне ҳастанд, ки охирин ғалабаашонро соли 2022-2023 ба даст овардаанд.

Варзишгари тоҷик пас аз муҳорибаи охираш, ки 21-уми июн дар Бакуи Озарбойҷон доир гашт, умедворӣ намуд, ки ба ӯ аз рӯйхати топ-15 рақиб мебиҳанд, аммо чун ҳоло худи ӯро дар ин рӯйхат шомил накарданд, боварӣ ниҳоят кам аст, ки рақиби навбатиаш размкори номдоре гардад.

Ёдовар мешавем, ки Муҳаммад Наимов то имрӯз 14 ғалаба ва 3 бохт дорад, ки аз ин шумора 5 ғалабаву 1 бохташ дар ташкилоти UFC ба қайд гирифта шудааст.

Dialog.TJ