Дар ҷаласаи ҳайати мушовараи Вазорати маориф ва илми Ҷумҳурии Тоҷикистон фаъолияти вазорат дар шаш моҳи аввали соли равон мавриди баррасӣ қарор гирифта, ҳамчунин, вазифаҳои муҳим барои масъулин то охири сол муайян гардиданд.

Маркази матбуоти Вазорати маориф ва илми Ҷумҳурии Тоҷикистон хабар медиҳад, ки Раҳим Саидзода, вазири маорифи кишвар таъкид кард, ки ба масъалаҳои таъмин намудани муассисаҳои таълимӣ бо омӯзгорони ботаҷрибаву соҳибтахассус, баланд бардоштани сифати таҳсилот дар муассисаҳои таълимӣ, таъмини муассисаҳои таълимӣ ба кабинетҳои фаннӣ, таъмини хонандагон ба китобҳои дарсӣ, иҷрои нақшаи қабули донишҷӯён ба муассисаҳои олии касбӣ ва ғайраҳо диққати махсус зоҳир карда шавад.

Ҳамчунин, вазири маориф иброз дошт, ки масъулини соҳаи маориф вазифадоранд, ки бо истифода аз тамоми захираву имкониятҳо масъалаҳои ба таҳсилоти томактабӣ фаро гирифтани бештари кӯдакон, такмили инфрасохтори таълим ва баланд бардоштани сифати хизматрасониҳои таълимиро ҳадафмандона бартараф намоянд.

Dialog.tj