Дар идомаи интиқодҳо аз сиёсатҳои Иёлоти Муттаҳида дар қиболи Афғонистон Тим Бурчет, намояндаи Ҷумҳурихоҳони Конгресси Амрико аз кумакҳои молии доимии Вашингтон ба гурӯҳи террористии Толибон парда бардошт. Ӯ эълон кард, ки давлати Амрико ҳар ҳафта 40 миллион доллар ба Толибон ирсол мекунад. Рақаме, ки ба гуфати ӯ, дар маҷмуъ то кунун ба тақрибан 5 миллиард доллар расидааст.

Тим Бурчет ин кумакҳоро на фақат нигаронкунанда, балки бозтобе аз сиёсатҳои муғлақ ва нокоромади давлати Амрико дар қиболи Афғонистон донист. Ӯ таъкид кард, ки ин раванд дар замони президентии Доналд Трамп оғоз шуда ва ҳамчунон, бидуни шаффофияти кофӣ идома дорад.

Ба гуфтаи ин узви Конгресс идомаи интиқоли пул ба Толибон на фақат боиси машруъиятбахшии ғайримустақим ба ин гурӯҳ мегардад, балки метавонад заминасози рушди муҷаддади гурӯҳи террористӣ ва густариши ноамнӣ дар минтақа шавад.

Мунтақидони дохилӣ ва байналмилалӣ низ нисбат ба паёмадҳои ин кумакҳо ҳушдор додаанд ва мегӯянд, ки чунин равише метавонад ба заъфи талошҳои ҷаҳонӣ барои маҳори ифротгароӣ ва нақзи ҳуқуқи башар дар Афғонистон бианҷомад. Ба назари онҳо, идомаи ин ҳимояти молӣ, дар ҳоле ки Толибон ҳамчунин, ҳуқуқи занон ва озодиҳои шаҳрвандиро саркӯб мекунад, на фақат ғайримасъулона, балки хатарнок аст.

Dialog.tj