Тавре аз шуъбаи мукаммалгардонии фонди Китобхонаи миллии Тоҷикистон хабар медиҳанд, дар шаш моҳи соли ҷорӣ 41 ҳазору 849 нусха адабиёт ба фонди Китобхонаи миллӣ ворид гардидааст.

Зикр мегардад, ки аз шумораи умумии адабиёти воридшуда 38 ҳазору 671 нусха китоб, 1 ҳазору 409 маҷалла, 250 диссертатсия, 250 автореферат, 26 нусха нашрияи давомноки илмӣ ба қайд гирифта шудааст. Инчунин, 10 адад нота, 3 нусха диск, 1 ҳазору 222 нусха автореферати хориҷӣ, 8 нусха изографика, 2034 нусха нусхаи ҳатмӣ, 2 ҳазору 195 нусха сарчашмаи гуногун сабт гардидааст.

Манбаъ меафзояд, ки адабиёти туҳфашуда аз шахсони алоҳида 35 ҳазору 375 нусхаро ташкил додааст. Ҳамчунин, 489 нусха китоб аз сафоратхонаҳо ва ташкилотҳои хориҷӣ, 373 нусха маҷаллаи обунавии ватанӣ, 89 нусха маҷаллаи хориҷӣ ва 947 адад маҷаллаҳ ҳатмӣ ворид шудааст.

Иттилоъ дода мешавад, ки тибқи мактубу дархости вазорату муассиса ва мақомоти қудратӣ дар соли ҷорӣ 23 ҳазору 400 нусха китоб аз ҳисоби китобҳои бисёрнусхаии аз аҳолӣ тақдимшуда, тариқи ройгон ба шаҳру ноҳияҳои кишвар фиристода шуд.

Dialog.tj