Муассисаи давлатии “Тоҷикфилм” хабар медиҳад, ки филми ҳунарии “Дар талоши ҳақиқат”, ки бо коргардонии Манзаралӣ Шералӣ таҳия гардидааст, дар Синамоҷашнвораи байналмилалии давлатҳои  аъзои Cозмони ҳамкории  Шанхай “Камелияи тилоӣ” ба ҷоизаи махсуси ҳайати ҳакамон қадрдонӣ шуд.

Дирӯз, 6-уми июл дар шаҳри Чунсини Ҷумҳурии Мардумии Чин маросими тантанавии пӯшидашавии Синамоҷашнвораи байналмилалии давлатҳои аъзои Созмони ҳамкории Шанхай “Камелияи тиллоӣ” баргузор гардид, ки дар барномаи озмунӣ Муассисаи давлатии “Точикфилм” ду филми ҳунариро пешниҳод намуда буд: “Дар талоши ҳақиқат” ва “Зиндагӣ зебост”.

Гуфта мешавад, ки дар фарҷоми озмун филми ҳунарии “Дар талоши ҳақиқат” ба ҷоизаи махсуси ҳайати ҳакамон қадрдонӣ шуд. Ин ҷоиза дараҷаи баланди ҳунарӣ ва саҳми эҷодии синамогарони тоҷикро дар арсаи байналмилалӣ нишон медиҳад.

Ҳамчунин, бояд гуфт, ки дар барномаи ғайриозмунии синамоҷашнвораи мазкур филмҳои ҳунарии “Охирин сайди сайёд”,  “Танҳо ту” ва “Роҳ” намоиш дода шуданд.

Dialog.tj