Дар марҳилаи чаҳорякниҳоии Ҷоми ҷаҳонии бошгоҳҳо “Реал Мадрид” ва “Боруссия”-и Дортмунд бо ҳам рақобат карда, бозӣ бо ҳисоби 3 бар 2 ба фоидаи “Реал Мадрид” ба анҷом расид.

Голҳои вохӯрии мазкурро Гонсало Гарсия (дақиқаи 10-ум), Фран Гарсия (дақиқаи 20-ум), Максимилиан Байер (дақиқаи 90+2-юм), Килиан Мбаппе (дақиқаи 90+4-ум) ва Серу Гирасси (дақиқаи 90+8-ум) ба ҳадаф расонданд.

Пас аз бозии “Реал Мадрид” ва “Боруссия”-и Дортмунд ҳамлагари дастаи шоҳона зиёда аз як соат дар майдон монд. Сабаби ҳамроҳи ҳамдастаҳояш ба фурудгоҳ нарафтанаш он аст, ки ӯ тест барои допинг супурд.

Ҳамин тариқ, бошгоҳи “Реал Мадрид” ба даври нимниҳоии Ҷоми ҷаҳонии бошгоҳҳо роҳ ёфт ва дар марҳилаи навбатӣ бо қаҳрамони имсолаи Лигаи чемпионҳо дастаи “ПСЖ”-и Фаронса рақобат мекунад. 

Бисёри коршиносон вохӯрии “Реал Мадрид” ва “ПСЖ”-ро “финали барвақт” унвон медиҳанд, зеро ин ду даста барои ба даст овардани унвони қаҳрамонӣ дар Ҷоми ҷаҳонии бошгоҳҳо довталаби асосӣ маҳсуб меёбанд.

Dialog.tj