Диогу Жота, футболбози шуҳратёри бошгоҳи “Ливерпул” ва мунтахаби Португалия дар натиҷаи як садамаи нақлиётӣ аз дунё даргузашт.

Гуфта мешавад, ки садамаи мазкур дар Испания рух дода, мошини футболбоз бинобар суръати баланди ҳаракат доштан аз роҳ берун шуда, ба чизе бархурда, пурра сӯхтааст.

Дар мошин Андре Силваи 25-сола, бародари Диогу Жота низ будааст, ки ӯ ҳам ба ҳалокат расидааст.

Ҷомеаи футбол дар бораи корномаву муваффақиятҳои Диогу Жота мегӯянд. Аз ҷумла гуфта мешавад, ки дар чанд вақти охир ӯ бо бошгоҳи “Ливерпул” қаҳрамони Англия шуд, бо мунтахаби Португалия қаҳрамони Лигаи миллатҳо гардид, 10 рӯз пеш оиладор шуд ва ғайраҳо.

Дар ин росто, футболбози португалӣ Криштиану Роналду ҳамдардиашро чунин баён кард: “Ба хонаводаатон, ба ҳамсаронатон ва фарзандонатон тасаллият баён мекунам. Медонам, ки шумо ҳамеша бо онҳо хоҳед буд. Ором хоб кунед, Диогу ва Андре. Мо ҳама шуморо пазмон мешавем”.

Ёдовар мешавем, ки Диогу Жота 28 сол дошт ва аз соли 2020 дар ҳайати дастаи “Ливерпул” ҳунарнамоӣ мекард.

Dialog.tj