Низом Мирзозода, раиси Кумитаи меъморӣ ва сохтмони назди Ҳукумати Ҷумҳурии Тоҷикистон бо гурӯҳи корӣ аз ҷараёни корҳои сохтмонии иншоотҳо ва манзилҳои навбунёд, ки барои зарардидагон аз офати табиии ноҳияҳои Рашт ва Тоҷикобод сохта мешаванд, шинос шуд.

Гуфта мешавад, ки сафару шиносоии масъулини Кумитаи меъморӣ ва сохтмони назди Ҳукумати Ҷумҳурии Тоҷикистон ҷиҳати иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар мувофиқа бо Сарвазири Ҷумҳурии Тоҷикистон сурат гирифтааст.

Манбаъ мегӯяд, ки раиси Кумитаи меъморӣ ва сохтмон Низом Мирзозода зимни шиносоӣ ба ҷараёни корҳои сохтмонии иншооти манзилҳои истиқоматии навбунёди ноҳияҳои Рашт ва Тоҷикобод ба сохтмончиён ва масъулин ҷиҳати бо сатҳу сифати баланд ва дар муҳлати муайяншуда ба анҷом расонидани корҳоро таъкид намуд.

Дар аксҳое, ки саҳифаи фейсбукии Кумитаи меъморӣ ва сохтмон нашр кардааст, дида мешавад, сохтмони манзилҳо ҷараён дошта, қисме қариб тамом шудаанду дар қисми дигар корҳои сохтмонӣ идома доранд.

Dialog.tj