Коршиносони кишварҳои Иттиҳоди Давлатҳои Мустақил масъалаи муҳимми мудирияти партовҳои радиоактивӣ ва сӯхти истифодашудаи атомиро баррасӣ намуданд.

Дафтари матбуоти Иттиҳоди Давлатҳои Мустақил хабар дод, ки рӯзи 1-уми июн дар дафтари Кумитаи иҷроияи ин иттиҳод маҷлиси коршиносон оид ба ҳамоҳангсозии лоиҳаи “Самтҳои асосии ҳамкории кишварҳои Иттиҳоди Давлатҳои Мустақил дар соҳаи мудирияти партовҳои радиоактивӣ, сӯзишвории истифодашудаи атомӣ ва бартарафсозии объектҳои хатарноки атомӣ ва радиатсионӣ то соли 2030” доир шуд.

Дар маҷлис намояндагони Арманистон, Беларус, Қазоқистон, Қирғизистон, Русия, Тоҷикистон, Ӯзбекистон ва Кумитаи иҷроияи ИДМ ширкат доштанд. Лоиҳаи мазкурро ширкати “ТВЭЛ” созмони Иттиҳоди Давлатҳои Мустақил оид ба масъалаҳои партовҳои атомӣ ва радиоактивӣ таҳия кардааст.

Бар асоси ин лоиҳа кишварҳои аъзои Иттиҳоди Давлатҳои Мустақил уҳдадор мешаванд, ки барои таъмини амнияти атомӣ ва экологии минтақа тадбирҳои мушаххас андешанд, лоиҳаҳои муштаракро барои безарар кардани объектҳои хатарнок амалӣ кунанд ва заминаи рушди энергияи атомиро дар сатҳи миллӣ фароҳам намоянд.

Dialog.tj