Бинобар иттилои Сарраёсати маорифи шаҳри Душанбе Восколович Богдан, хонандаи синфи 8-и Литсейи №3 барои хонандагони болаёқати пойтахт дар Мусобиқаи байналмилалӣ оид ба шоҳмот - “Issyk-Kul Open - 2025” иштирок намуда, сазовори ҷойи якум ва медали тилло гардид.

Гуфта мешавад, ки аз 20-ум то 29-умр июни соли равон дар Маркази истироҳатии “Солемар”-и Ҷумҳурии Қирғизистон Мусобиқаи байналмилалӣ оид ба шоҳмот - “Issyk-Kul Open - 2025” баргузор гардид. Ин мусобиқа (гурӯҳи “С”) шоҳмотбозони то 14-солаи 7 кишвари ҷаҳонро гирд овард.

Ҷумҳурии Тоҷикистонро дар мусобиқаи мазкур хонандаи синфи 8-и Литсейи №3 барои хонандагони болаёқати шаҳри Душанбе Восколович Богдан намояндагӣ кард.

Ин хонандаи тоҷик дар ҷараёни 9 бозии расмӣ бо маҳорати баланди стратегӣ ва зеҳнӣ 7,5 хол ба даст оварда, дар байни тамоми иштирокчиён ҷойи аввалро ишғол намуд.

Dialog.tj