Имрӯз, 29-уми июн дар Лас-Вегаси Амрико мусобиқаи UFC 317 доир гашт, ки дар муҳорибаи асосии он собиқ чемпиони UFC дар вазни сабук Чарлз Оливейра ва собиқ чемпиони UFC дар вазни нимсабук Илия Топурия барои камарбанди чемпионӣ дар вазни сабук рақобат карданд.

Муҳорибаи Чарлз Оливейра ва Илия Топурия дар руанди якум ба итмом расид. Варзишгари испанӣ Илия Топурия ҳарифашро накаут кард ва қаҳрамони нави UFC дар вазни сабук гардид.

Бояд гуфт, Илия Топурия дар нишасти матбуотии пеш аз рақобат гуфта буд, ки нақша дорад Чарлз Оливейраро дар руанди якум накаут кунад ва чунин кард.

Ёдовар мешавем, ки аслан камарбанди чемпионӣ дар вазни сабук то имрӯз ба варзишгари доғистонӣ Ислом Махачев тааллуқ дошт. Аз сабабе, ки ӯ камарбандашро озод карда, ба вазни ниммиёна баромад, Оливейра ва Топурия бо ҳам муҳориба гузарониданд.

Дар ин росто, пас аз рақобат аз роҳбари ташкилоти UFC Диана Уайт дар бобати муҳорибаи Илия Топурия бо Ислом Махачев барои камарбанди вазни сабук пурсиданд, ки ӯ гуфт имкони ташкили ин рақобат вуҷуд дорад.

Dialog.tj