Вазорати тандурустии режими Исроил омори расмии талафоти ҷонӣ ва захмиёнро нашр кард. Бар асоси иттилои расмӣ то ба имрӯз 28 шаҳрванди Исроил кушта шуда, 3238 нафари дигар бо захмҳои гуногун дар бемористонҳо бистарӣ шудаанд.

Мақомоти тандурустии Исроил мегӯянд, ки вазъи 23 нафар аз захмиён бисёр вазин буда, 111 нафари дигар дар зери назорати табибон қарор доранд. Гуфта мешавад, ки шумораи зиёди захмиён на дар натиҷаи зарбаҳои мустақими мушакҳо, балки дар натиҷаи тарс, фишори равонӣ ва ё аз даст додани тавозун дар вақти гурез ба паноҳгоҳҳо маҷруҳ шудаанд.

Суҳби рӯзи сешанбе шаҳри Беэрусабаи Исроил шоҳиди шадидтарин мавҷи ҳамлаҳои мушакии Эрон буд. Бино ба гузориши Хадамоти ҳолатҳои фавқулодаи Исроил дар ин ҳамлаҳо 5 нафар кушта ва 28 нафари дигар захмӣ шудаанд. Сарчашмаҳои ғайрирасмӣ аз кушта шудани аз 8 то 11 нафар хабар додаанд.

Расонаҳои расмии Исроил бо вуҷуди афзоиши талафот аз инъикоси ҳамаҷонибаи талафот ва хисорот худдорӣ мекунанд. Таҳлилгарон гуфтаанд, ки дар ҳамлаҳои мушакии Эрон садҳо нафар куштаву захмӣ шудаанд ва ин талафот аз сӯйи расонаҳои расмии Исроил нодида гирифта мешавад.

Ҳамлаҳои мушакии Эрон, ки дар посух ба ҳамлаҳои низомии Исроил ба ҳидди ҳадафҳои эрониву фаластинӣ сурат гирифт, тавозуни қудратро дар минтақа ба таври ҷиддӣ тағйир додааст. Созмонҳои байналмилалӣ ва коршиносон ин низоъро “хатарноктарин мавҷи низоъ дар чанд даҳаи охир” тавсиф кардаанд.

Dialog.tj