Рӯзномаи “Глобс”–и Исроил дар як гузориш навишт, барқарор сохтани биноҳое, ки дар натиҷаи ҳамлаҳои мушакии Эрон осеб дидаанд, тақрибан 6 ҳазор шекел (пули яҳудӣ) барои ҳар як метри мураббаъ хароҷот талаб мекунад.

Рӯзномаи иқтисодии “Глобс” ба вайрониҳое, ки дар натиҷаи ҳамлаҳои мушакии Эрон ба қаламрави ишғолшуда ба вуҷуд омадаанд, ишора намуда, навишт, арзёбиҳо нишон медиҳанд, барқарор сохтани биноҳое, ки дар шаҳраки Петах Тиква осеб дидаанд, барои ҳар метри мураббаъ тахминан 6000 шекел (1740 доллар) хароҷот хоҳад дошт.

Ин рӯзномаи саҳюнистӣ дар идома ба раванди бозсозӣ пардохта навиштааст, ки бо назардошти ҳаҷми баланди хисорот ва фишори иқтисодӣ, ки бар асари ҷанги охир ба вуҷуд омадааст, эҳтимол меравад, барқарор сохтани биноҳо солҳо тӯл кашад.

Ба навиштаи ин рӯзнома аксари биноҳо комилан хароб шуда, имкони таъмирсозии онҳо вуҷуд надорад ва бояд аз нав сохта шаванд.

Ин рӯзнома бо такя ба таҳлили коршиносони исроилӣ навиштааст, ки зарбаҳои мушакии Эрон ба инфрасохтори шаҳрҳои Исроил осеби ҷиддӣ ворид кардааст.

Dialog.tj