Дар натиҷаи ҳамлаи мушакии Неруҳои мусаллаҳи Эрон ба бинои Моссад шумори зиёди афсарони амниятӣ ва иттилоотии Исроил кушта шудаанд. Дар ин ҳамла кормандони иттилоотии маркази иттилоотии “Амон”-и Исроил низ кушта шудаанд.

Тибқи гузориши расонаҳои эронӣ субҳи имрӯз неруҳои Сипоҳи посдорони Эрон дар як амалиёти вижа марказҳои иттилоотӣ ва амниятии режими Исроил, аз ҷумла Моссад ва Амонро мавриди ҳамлаи мушакӣ қарор доданд. Ин ҳамла бо як мушаки нав анҷом шуда ва ҳадафҳо комилан нобуд шудааст.

Режими Исроил бо сабаби сензураи шадиди хабарӣ аз нашри иттилооти вобаста ба ҳалокати афсарон ва фармондеҳони низомӣ ва иттилоотии худ ва ҳамчунин, омори дақиқи талафот пешгирӣ мекунад. Режими Исроил ҳатто хурдтарин омор дар бораи талафотро нашр намекунад.

Дар иқдоми тоза фаъолияти аксари рӯзноманигорон дар Исроил маҳдуд шуд. Пахши зиндаи шабакаи иҷтимоии ютуб, ки минтақаҳои зиёди Исроилро инъикос мекард, комилан қатъ карда шуд.

Dialog.tj