Баъди нашри хабари ҷорӣ шудани маҳдудияти сафари шаҳрвандони Қирғизистон ба Амрико Вазорати корҳои хориҷии ин кишвар вокуниш нишон дод.

Вазорати корҳои хориҷии Ҷумҳурии Қирғизистон гуфт, намоядаи сафорати Амрикоро барои гирифтани шарҳи расмӣ оид ба маҳдудияти сафари эҳтимолии шаҳрвандони Қирғизистон ба Амрико ба Вазорат даъват хоҳад кард.

Вазорати хориҷаи Қирғизистон гуфт, то ҳол ҳеч гуна иттилои расмӣ аз ҷониби Амрико ба мақомоти қирғиз дар хусуси ҷорӣ шудани маҳдудияти гирифтани раводиди Амрико ирсол нашудааст. Ин вазорат мегӯяд, бо вуҷуди ин, нашри хабари маҳдудияти сафари шаҳрвандони қирғиз ба Амрико дар фазои маҷозӣ нигарониҳоро ба бор овардааст, бахусус дар шароите, ки меъёрҳои рӯйхати кишварҳо ҳанӯз мушаххас ва рӯшан нест.

Ин вазорат таъкид намудааст, ки вазъиятро зери назари доимӣ қарор дода, ба гуфтугӯи созанда бо ҷониби Амрико умед мебандад. Таъмин намудани сафари озоданаи шаҳрвандони Қирғизистон ба хориҷ яке аз самтҳои афзалиятноки фаъолияти сиёсати хориҷии кишвар мебошад.

Дар як иқдоми нав ҳукумати Доналд Трамп қарор баровард, ки сафари шаҳрвандони 36 кишвари ҷаҳон, аз ҷумла кишварҳои Осиёи Марказӣ, бахусус Қирғизистон ба Амрико маҳдуд карда мешавад.

Dialog.tj