Дар бемористони марказии ноҳияи Данғара ду коргоҳи нави истеҳсоли оксиген барои хизматрасонии тиббӣ ба истифода дода шуд.

Дар ин бора Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар дода, афзуд, ки ин иқдом ба беҳтар кардани хизматрасонии тиббӣ ва таъмини эҳтиёҷоти беморон равона шудааст.

Яке аз ин коргоҳҳо дар шуъбаи таваллудхонаи бемористон бунёд шуда, барои занони ҳомила ва кӯдакони навзод дар ҳолатҳои зарурӣ хизмат хоҳад кард. Истеҳсоли оксиген барои нигоҳубини модару кӯдак ва наҷоти ҳаёти онҳо аҳамияти муҳим дорад.

Ҳамчунин, ба ғайр аз беморони беморхонаҳои марказӣ, хизматрасонии оксиген ба беморхонаҳои дигар, аз ҷумла шаҳру ноҳияҳои гирду атрофи Данғара расонида хоҳад шуд.

Вазорати тандурустӣ таъкид намудааст, ки баъди мавриди истифода қарор гирифтани ин ду коргоҳ истеҳсоли оксиген ва сатҳи хизматрасонии тиббӣ дар беморхонаи марказии ноҳияи Данғара беҳтар гардида, эҳтиёҷоти беморон ин ин муассисаи тандурустӣ пурра таъмин хоҳад шуд.

Ин иқдом дар ҳифзи саломатии аҳолӣ ва бахусус модар ва кӯдак, ки яке аз самтҳои афзалиятноки соҳаи тандурустии кишвар мебошад, нақши муассир мебозад.

Dialog.tj