Фармондеҳи шаҳри Қасри Ширин Муҳаммад Шофеӣ бо тасдиқ намудани ҳамлаи режими саҳюнистӣ ба шаҳри Қасри Ширин ва гузаргоҳи марзии Хусравӣ аз шаҳодати як нафар ва маҷруҳ гардидани 31 нафар ғайринизомӣ гузориш дод.

Муҳаммад Шофеӣ зикр кард, ки минтақаҳои ғайринизомӣ мавриди ҳамлаи Исроил қарор гирифтанд. Ӯ афзуд, ки гузаргоҳи марзии Хусравӣ, ки яке аз минтақаҳои аслии ҳаракати зиёраткунанда ва муомилоти тиҷоратӣ ба ҳисоб меравад, ба таври мустақим мавриди ҳамла қарор гирифтааст.

Фармондеҳи Қасри Ширин бо изҳори таассуф аз рӯй додани чунин ҳодисаи талх гуфт: “Минтақаҳои ғайринизомӣ дар ин ҳамла ба таври мустақим осеб дидаанд ва шуморе аз маҷруҳон, аз ҷумлаи шаҳрвандоне буданд, ки дар маҳалли ҳодиса ҳузур доштанд”.

Тибқи гузориши расонаҳо Исроил ба муассисаи атомии Натанзи Эрон низ ду бор ҳамла кардааст. Ҳанӯз дар бораи ҳаҷми хисорот ва талафот иттилоъ дар даст нест.

Созмони ҳавоии Эрон фазои ҳавоиро то иттилои сонӣ баста эълон кард. Мақомоти низомӣ ва роҳбарияти Эрон гуфтаанд, ки ба ҳамлаҳои Исроил посухи шадид ва сахт хоҳанд дод.

Dialog.tj