Исфандиёри Саъдулло, раиси Хадамоти алоқаи назди Ҳукумати Ҷумҳурии Тоҷикистон зимни боздид аз идораи марказии ширкати “МегаФон Тоҷикистон” масъалаи беҳбуд бахшидани сатҳу сифати хизматрасониҳои алоқаи мобилӣ, махсусан сифату суръати интернет, ҷустуҷӯи ҳалли мушкилот дар доираи муроҷиати шаҳрвандонро бо роҳбарон ва кормандони ширкати мазкур ба миён гузошт.

Тавре ки маркази матбуоти Хадамоти алоқа хабар медиҳад, дар вохӯрии мазкур таъкид гардид, ки вазифаи асосии алоқачиён ин баланд бардоштани сатҳи дастрасии хизматгузориҳои муосири рақамӣ барои ҳамаи сокинони кишвар ба ҳисоб меравад. Ҳамчунин, дар ин раванд саривақт бартараф намудани мушкилиҳое, ки дар минтақаҳо ба амал меояд ва баррасии шикоятҳои муштариён аз ҷумлаи вазифаҳои ҷонии ширкатҳо маҳсуб меёбад.

Ҳамчунин, раиси Хадамоти алоқаи назди Ҳукумати Ҷумҳурии Тоҷикистон дар ширкати “МегаФон Тоҷикистон” бо тарзи фаъолияти хадамоти мизоҷон, ки имкон дорад давоми шабонарӯзӣ бо муштариён дар тамос бошад ва инчунин, таҷҳизоти шуъбаи идоракунии фаврӣ-техникӣ шинос шуд.

Dialog.tj