Раёсати Вазорати корҳои дохилӣ дар шаҳри Душанбе аз ҷаримаи 10 гӯштфурӯш хабар дод, ки худсарона нархро баланд кардаанд.

Тавре манбаъ менависад, дар натиҷаи санҷиш аз ҷониби гурӯҳи кории милитсияи пойтахт, 10 далели худсарона қиммат намудани нархи гӯшт муайян карда шуд. Аз ҷумла, фурӯшандагон Бозоров Содиқ, Гулбоев Асадуло, Бобоназаров Хайриддин, Негматов Хайриддин, Маҳмудов Носир, Шерзода Ҳамидҷон, Хурсандов Раҳматулло, Бобоев Зоир, Исоев Алишер ва Нурқобилов Абдураҳим аз ниёзмандии шаҳрвандон ва омадани Иди Қурбон суистифода намуда, бо мақсади ба даст овардани манфиат худсарона нархи гӯштро гарон намудаанд.

Гуфта мешавад, ки нисбат ба номбурдагон бо моддаи 555 КҲМ Ҷумҳурии Тоҷикистон протоколи маъмурӣ тартиб дода шуда, ҷаримабандӣ шудаанд.

Ҳамчунин, РВКД таъкид мекунад, ки гурӯҳҳои кории милитсияи пойтахт ҷиҳати назорати нархи дигар маҳсулот низ дар бозорҳо ва марказҳои савдо санҷиш ва корҳои фаҳмондадиҳиро пурзӯр намудааст.

Dialog.tj