Шукронаи Баҳодур, сарояндаи ҷавону хушсадои тоҷик таронаи маъруфи “Салом”-и ҳунарманди эронӣ Нушофаринро бозхонӣ кард.

Суруди “Ту меги салом” дар ютубканали “Muminov  tv music” нашр шуда, дар як шабонарӯз наздики 50 ҳазор нафар онро бозбинӣ карданд ва ба иҷроиши овозхон баҳои баланд доданд.

Ҳамчунин, дар дигар шабакаҳои иҷтимоӣ, аз ҷумла Инстаграм суруди мазкур бисёр хуб қабул шуда, корбарон пораҳои онро дар саҳифаҳои худ мегузоранд.

Шукронаи Баҳодур дар суҳбати кӯтоҳ ба Dialog.tj гуфт, ки аз истиқболи гармӣ алоқамандони ҳунараш хеле хушнуд аст ва ҳеҷ бовар надошт, ки ба таронаи мазккур ин қадар зиёд таваҷҷуҳ мешавад.

Намоҳанги суруди “Ту меги салом” дар хориҷи кишвар таҳия шудааст. Ба саволе, ки чаро маҳз дар хориҷи кишвар сабт кардед, Шукронаи Баҳодур посух дод, ки аслан,

берун аз ҷумҳурӣ барои сайёҳату истироҳат рафт, вале бо даст додани имкон намоҳанг ҳам таҳия кард.

Dialog.TJ