Агентии хабарии “Азия-плюс” бо такя ба маълумоти маркази матбуоти Фурудгоҳи байнулмилалии Душанбе хабар медиҳад, ки аз аввали моҳи май инҷониб бо мақсади риояи қоидаҳои байналмилалии амнияти парвозҳо, нигоҳ доштани тартиботи ҷамъиятӣ, иҷрои меъёрҳои беҳдоштӣ, аз ҷумла, пешгирии паҳншавии бемориҳои сироятӣ ва тоза нигоҳ доштани фурудгоҳ шахсоне, ки барои гусел ё истиқболи мусофирон меоянд, ба даруни фурудгоҳ даромада наметавонанд.

Бинобар иттилои масъулини Фурудгоҳи байнулмилалии Душанбе қарори мазкур ба ҳамаи шаҳрвандон дахл дорад, вале ҳолати истисноӣ низ вуҷуд дошта метавонад.

Зикр мегардад, онҳое, ки одамони имконияташон маҳдуд, беморон ва падару модарони кӯдакони ноболиғро ҳамроҳӣ мекунанд, иҷозаи ба минтақаи гуселу пешвози фурудгоҳ ворид шуданро доранд.

Dialog.tj