Аз 13-ум то 20-уми июни соли равон дар пойтахти Маҷористон, шаҳри Будапешт бо иштироки 493 гуштишгир аз 85 кишвар мусобиқаи қаҳрамонии ҷаҳон - Будапешт-2025 оид ба ҷудо доир мешавад.

Тавре маълум шуд, Ҷумҳурии Тоҷикистонро дар ин мусобиқа 9 ҷудокори номдори тоҷик намояндагӣ мекунанд.

Мунтахаби ҷудои Тоҷикистон аз ин варзишгарон иборат аст:

Меҳрзод Сӯфиев (-60 кг), Нуралӣ Эмомалӣ, Обид Ҷебов (-66 кг), Беҳрӯзи Хоҷазода, Абӯбакр Шеров (-73 кг), Сомон Маҳмадбеков (-81 кг), Ҷаҳонгир Маҷидов, Кароматулло Ҳакимов (-100 кг) ва Темур Раҳимов (+100 кг).

Ёдовар мешавем, ки мусобиқаи қаҳрамонии ҷаҳон - Будапешт-2025 барои ҷудокорони тоҷик хеле муҳим аст, зеро онҳо дар он на танҳо барои медалҳо рақобат мекунанд, инчунин, ҷиҳати дарёфти имтиёзҳо дар радабандӣ ва нишон додани қувваи худ барои мавсими олимпӣ талош хоҳанд кард.

Dialog.tj