Раёсати Вазорати корҳои дохилӣ дар шаҳри Душанбе аз маҳдудшавии роҳҳои мошингард дар баъзе кӯчаву хиёбонҳо хабар дод.

Манбаъ меафзояд, ки аз 29-ум то 31-уми май дар пойтахт Конфронси байналмилалӣ оид ба ҳифзи пиряхҳо доир мешавад ва вобаста ба ин, муваққатан маҳдудшавии роҳҳо тавассути кӯчаҳои Мастонгулов, А. Дониш, С. Айнӣ ва хиёбонҳои Рӯдакӣ, И. Сомонӣ ва Ҳ. Шерозӣ дар назар дошта шудааст.

Ҳамчунин, ин ниҳод аз шаҳрвандон, хусусан ронандагони воситаҳои нақлиёт хостааст, ки аз таваққуфи нодуруст дар кӯчаҳои мазкур худдорӣ намуда, аз роҳҳои кӯчаҳои ҳамшафат истифода намоянд.

Ёдовар мешавем, ки дар Конфронси байналмилалии ҳифзи пиряхҳо, ки аз 29-ум то 31-уми майи соли равон дар Душанбе барпо мешавад, зиёда аз 2 ҳазору 200 намоянда аз 65 кишвар ва 70 созмони байналмилалӣ иштирок мекунанд.

Dialog.tj