Шералӣ Кабир ва сафири Чин дар Тоҷикистон масъалаи густариши ҳамкориҳо дар бахши саноат ва технологияҳои навинро мавриди баррасӣ қарор доданд.

Дар ҷараёни мулоқоти Шералӣ Кабир, вазири саноат ва технологияҳои нави Ҷумҳурии Тоҷикистон бо Ҷи Шумкин, сафири фавқулода ва мухтори Ҷумҳурии Мардуми Чин масъалаҳои муҳимми рушди иқтидори саноатии Тоҷикистон, амалӣ кардани лоиҳаҳои муштараки сармоягузорӣ ва густариши робитаҳои тиҷоративу иқтисодии ду кишвар баррасӣ гардид.

Ҷонибҳо ба масъалаи ҷалби сармоягузории Чин ба кластерҳои саноатӣ ва технологӣ дар Тоҷикистон, ҳамчунин, ҳамкорӣ дар самти рақамисозӣ ва муҷаҳҳаз кардани корхонаҳои кишвар бо технологияҳои муосир таваҷҷуҳ зоҳир намуданд.

Шералӣ Кабир аз рушди мусбати ҳамкориҳои Тоҷикистон бо Чин изҳори қаноатмандӣ намуда, сохторҳои соҳавии Чинро барои ширкат дар Форуми байналмилалии аввалини нассоҷӣ ва намоишгоҳи таҷҳизоти нассоҷӣ, ки моҳи июли соли равон дар шаҳри Душанбе баргузор мешавад, даъват кард.

Тарафҳо дар анҷоми мулоқот ба рушди ҳамкориҳои стратегӣ ва таҳкими муносибатҳои дӯстонаи Тоҷикистону Чин таъкид намуданд. Қобили ёдоварӣ аст, ки Чин яке аз шарикони асосии сармоягузор дар соҳаи иқтисоди Тоҷикистон ба ҳисоб меояд.

Ҷонибҳо дар поёни мулоқот ба рушди ҳамкориҳои стратегӣ ва таҳкими муносибатҳои дӯстонаи Тоҷикистону Чин таъкид карданд.

Dialog.tj