Буҳрони камбуди маводи ниёзи аввал дар Ғазза амиқтар мешавад ва мардуми фаластинӣ дар натиҷаи он ҷони худро аз даст медиҳанд.

Дар тозатарин гузориш, телевизиони Ал-Ҷазира аз қавли манобеи худ дар Ғазза хабар дод, ки дар натиҷаи қатъи ворид шудани кумакҳои башардӯстона аз сӯйи режими Исроил 299 тан бар асари гураснагӣ, нарасидани дору ва дигар маводҳои ниёзи аввал ҷони худро аз даст доданд. Ҳамчунин, кӯдаки 300 зани ҳомиладори фаластиниро бар асари норасоии ҷисмонии ғизоӣ аборт кардаанд.

“Режими Исроил иддао мекунад, ки ба мошинҳои кумакҳои башардӯстона иҷозаи воридшавӣ ба Ғаззаро медиҳад, ҳол он ки фақат 100 мошин вориди ин минтақа шудааст” – хабар медиҳанд масъулони ҳукумат дар Ғазза.

Тибқи гузориш артиши Исроил ба созмонҳои имдодрасон барои тақсими кумакҳо халал мерасонад ва ин боиси гуруснагӣ ва марги бештари фаластиниҳо шудааст. Кабуди дору ва таҷҳизоти тиббӣ дар бемористонҳо боиси ба хатар афтидани ҷони беморон шудааст.

Исроил бо вуҷуди тақозоҳои пай дар пайи ҷомеаи байналмилалӣ барои вуруди кумакҳои башардӯстона мушкил эҷод намуда, роҳи расидани кумакҳои башардӯстона ба фаластиниҳоро бастааст.

Бархе кишварҳо, аз ҷумла Фаронса, Баритания ва Канада дар изҳороти шадид Исроилро ба таҳримҳо ва чораҳои иловагӣ таҳдид карданд. Ба назар мерасад, вазъияти башардӯстона дар Ғазза рӯз ба рӯз бадтар мешавад.

Бенямин Нетаняҳу дар тозатарин изҳороти худ хабар додааст, ки амалиёти низомии ин кишвар бо ишғоли комили Навори Ғазза идома хоҳад дошт. Ӯ гуфтааст, ки баъди нобуд шудани комили Ҳамос назорати комили Новори Ғазза дар ихтиёри Исроил қарои мегирад.

Эрон ва бисёре аз кишварҳои арабӣ шадидан норозагии худро дар робита ба тарҳи Бенямин Нетаняҳу барои ишғоли комили Навори Ғазза ва зери мудирияти худ қарор додани онро рад ва маҳкум кардаанд.