Дирӯз, 25-уми май дар Варзишгоҳи марказии шаҳри Ҳисор дастаҳои “Истиқлол” ва “Регар-ТадАЗ” барои ба даст овардани Суперҷоми Тоҷикистон-2025 бо ҳам рақобат карданд.

Вақти асосии бозӣ ва ду даври изофӣ бо ҳисоби 1:1 хотима ёфт ва дар зарбаҳои 11-метра бошгоҳи “Истиқлол” бо ҳисоби 5:4 ғолиб гардида, бори 13-ум унвони қаҳрамони Суперҷоми Тоҷикистонро ба даст овард.

Дар Варзишгоҳи марказии шаҳри Ҳисор 12750 кас бозии мазкурро тамошо карданд. Дар дидори мазкур бозингари “Регар-ТадАЗ” Шерзод Маҳмадиев аз ҷаримаи 11-метра ҳисобро кушод. Голи ҷавобиро бошад, ҳимоятгари дастаи “Истиқлол” Ҷошуа Акпуҷе дар дақиқаи 83-юм ба нишон расонд.

Ёдовар мешавем, ки аз ин пеш, солҳои 2011 ва 2012 дастаҳои “Истиқлол” ва “Регар-ТадАЗ” барои Суперҷоми Тоҷикистон рақобат  карда буданд, ки дар ҳарду дидор “Истиқлол”-и Душанбе ғолиб омада буд.

Dialog.tj