Президенти Ӯзбекистон Шавкат Мирзиёев таъкид кард, ки аз соли нави таҳсил музди меҳнати директори мактабҳо ва роҳбарони кӯдакистонҳо аз 7 то 10 ҳазор суми ӯзбекӣ хоҳад шуд.

Шавкат Мирзиёев дар ҷаласаи ҳукумат дар пояи ин иқдомаш гуфт, ки ояндаи рушди ҳар кишвар ба насли босаводи он вобаста аст. Ӯ афзуд: “Ҳақиқате ҳаст, ки исбот талаб намекунад: руши ҳар кишвар аз насли солим ва босавод вобаста аст. Аз ҳамин сабаб, дар роҳи бунёди Ӯзбекистони нав, мо вазифадорем, ки барои парвариши насли солим, босавод ва ватандӯст ҳамаи шароитро фароҳам кунем”.

Ёдовар мешавем, ки тибқи фармони президенти Ӯзбекистон музди меҳнати директорон ва роҳбарони кӯдакистонҳо 20% ва муовинони онҳо 15 % зиёд карда мешавад. Тибқи он музди меҳнати роҳбарони кӯдакистон бо музди меҳнати муовинони директрони мактабҳои гурӯҳи 3 ва 4 баробар карда мешавад.

Dialog.tj